ତାଜା ଖବର
  • Home
  • ରାଜ୍ୟ
  • ଏହା କି ପ୍ରକାରର ସେବା ? ବ୍ୟାଙ୍କ ଓ ଜିଲା ପ୍ରଶାସନ ତୁରନ୍ତ ଦୃଷ୍ଟି ନଦେଲେ ଅଂଶୁଘାତ ଜନିତ ମୃତ୍ୟୁ ମଧ୍ୟ ହୋଇପାରେ
ଅପରାଧ ତାଜା ଖବର ରାଜ୍ୟ

ଏହା କି ପ୍ରକାରର ସେବା ? ବ୍ୟାଙ୍କ ଓ ଜିଲା ପ୍ରଶାସନ ତୁରନ୍ତ ଦୃଷ୍ଟି ନଦେଲେ ଅଂଶୁଘାତ ଜନିତ ମୃତ୍ୟୁ ମଧ୍ୟ ହୋଇପାରେ

ବୌଦ୍ଧ / ଏରନ୍ ନ୍ୟୁଜ / ୦୬ -୦୪ ସରକାରୀ ହେଉକି ବେସରକାରୀ ସମସ୍ତ ବ୍ୟାଙ୍କ ନିଜ ନିଜ ଗ୍ରାହାକଙ୍କୁ ଭଗବାନ ବୋଲି କହି ଉନ୍ନତମାନର ସେବା ଯୋଗାଇ ଦେବା ନେଇ ବଡବଡ କଥା କହିଥାଆନ୍ତି ମାତ୍ର ପ୍ରକୃତରେ ତାହା କେତେ ଦୂର ସତ ? ସମ୍ବାଦ ସହିତ ସଂଲଗ୍ନ ଫଟୋଗୁଡିକୁ ଦେଖିଲେ ଏହାର ସତ୍ୟତା ଜାଣି ପାରିବେ । ଜିଲା ପ୍ରଶାସନ ମଧ୍ୟ ସବୁ ଦେଖି , ନଦେଖିଲା ପରି ନିରବତା ଅବଲମ୍ବନ କରୁଅଛି । ୪୩ ଡିଗ୍ରୀ ତାପମାତ୍ରାରେ ସିଝୁଥିବା ବୌଦ୍ଧ ସହରର ପ୍ରାୟତଃ ସବୁ ବ୍ୟାଙ୍କ ସମ୍ମୁଖରେ ଏପରି ଦୃଶ୍ୟ ଦେଖିବାକୁ ମିଳୁଛି । ଭାରତୀୟ ଷ୍ଟେଟ ବ୍ୟାଙ୍କରେ ଗ୍ରାହାକ ସଂଖ୍ୟା ସର୍ବାଧିକ ହୋଇଥିବା ବେଳେ ସେବା ଯୋଗାଇବାରେ ସବୁଠାରୁ ପଛରେ ରହିଛି । ସ୍ୱଳ୍ପ ସଂଖ୍ୟକ କର୍ମଚାରୀଙ୍କ ଦ୍ୱାହି ଦେଇ ଭାରତୀୟ ଷ୍ଟେଟ ବ୍ୟାଙ୍କରେ ଗ୍ରାହାକମାନଙ୍କୁ ବ୍ୟାପକ ହଇରାଣ କରାଯାଉଥିବା ନେଇ ମଧ୍ୟ ନିୟମିତ ଅଭିଯୋଗ ହେଉଛି । ସେହିପରି ଅନ୍ୟ ବ୍ୟାଙ୍କ ଗୁଡିକ ମଧ୍ୟ ସେବା ଯୋଗାଇବାରେ ବିଫଳ ହୋଇଛନ୍ତି ।

୪୩ ଡିଗ୍ରୀ ତାପମାତ୍ରାରେ ଲୋକେ ବ୍ୟାଙ୍କକୁ ଜରୁରୀ କାମରେ ଆସୁଥିବା ବେଳେ ବ୍ୟାଙ୍କ ଭିତରେ ଜାଗା ନଥିବାରୁ ବାହାରେ ଧୁ ଧୁ ଖରାରେ ଘଂଟା ଘଂଟା ଧରି ଧାଡିରେ ଛିଡା ହେବାକୁ ପଡୁଛି । ଏହି ଦଣ୍ଡ ପାଇବାରୁ କେହିବି ବଂଚିତ ନୁହନ୍ତି ସେ ମହିଳା ହୁଅନ୍ତୁ କି, କାଖରେ ଥିବା ଛୋଟ ଛୁଆ , ବରିଷ୍ଠ ନାଗରିକ ଅବା ଭିନ୍ନକ୍ଷମ । ଏହା କେବଳଯେ ବୌଦ୍ଧ ସହରର ଦୃଶ୍ୟ ନୁହେଁ , ସମଗ୍ର ଜିଲାରେ ସମସ୍ତ ବ୍ୟାଙ୍କରେ ଗ୍ରାହାକମାନେ ସାମାନ୍ୟ ମୌଳିକ ସେବା ପାଇବାରୁ ସବୁବେଳେ ବଂଚିତ ହୋଇ ରହୁଛନ୍ତି । ପ୍ରଚଣ୍ଡ ଖରାରେ ସାମାନ୍ୟ ଛାଇର ବ୍ୟବସ୍ଥା କରିପାରୁନଥିବା ବ୍ୟାଙ୍କ କତୃପକ୍ଷ ପାନୀୟ ଜଳ କି ଅନ୍ୟ ସେବା କଣ ଯୋଗାଇବେ ? ଜିଲା ପ୍ରଶାସନ ଏଦିଗରେ ଦୃଢ଼ ପଦକ୍ଷେପ ଗ୍ରହଣ ନକଲେ କେତେବେଳେ ଯେ ଅଂଶୁଘାତ ଜନିତ ମୃତ୍ୟୁ ନହେବ ତାହା କହିହେବନାହିଁ । ଅଂଶୁଘାତ ର ମୁକାବିଲା ପାଇଁ ପ୍ରଶାସନ କରୁଥିବା ସଚେତନତା କାର୍ଯ୍ୟକ୍ରମ ଓ ପ୍ରସ୍ତୁତି ବୈଠକ କେବଳ କାଗଜପତ୍ର ଓ ପ୍ରସ୍ତାବ ଗ୍ରହଣରେ ସିମୀତ ନରହୁ ।  ( ଏରନ୍ ନ୍ୟୁଜ ବ୍ୟୁରୋ ରିପୋର୍ଟ )

subscribe us for latest News

ଆମର ଏହି ଲେଖା ଆପଣଂକୁ କିପରି ଲାଗିଲା ମତାମତ ଦିଅନ୍ତୁ , ଯଦି ଭଲ ଲାଗୁଛି ତେବେ ଲାଇକ ଓ ଶେୟର କରନ୍ତୁ

Web-Portal       Facebook       You-tube

Whats-app = 9178482265       Mail-Id

Related posts

ବୌଦ୍ଧ ଜିଲାର ବିଭିନ୍ନ ସ୍ଥାନରେ ବିଜେପିର ଚକାଜାମ ଆନ୍ଦୋଳନ, ଶହଶହ ଯାନବାହାନ ଅଟକିଲା

Aren News

କରୋନା ସଂକ୍ରମିତ ଗର୍ଭବତୀ ମହିଳାଙ୍କର ସଫଳ ଚିକିତ୍ସା, ପ୍ରଶଂସା କଲେ ମୁଖ୍ୟମନ୍ତ୍ରୀ

Aren News

ଅନୈତିକ ସଂପର୍କର କୁପରିଣତି, ପ୍ରେମିକାକୁ ହତ୍ୟା ମାମଲାରେ ପ୍ରେମିକ ଗିରଫ

Aren News

ଏକ ମନ୍ତବ୍ୟ ଛାଡନ୍ତୁ |